كاينة المفخرة و كاينة لكعارة.. !!
و كاين لي شبعانة ضسارة.. !!
تبعات أفكار و لبس النصارى.. !!
وكينا لي غي تسرط كيف البڭرة.. !!
مادير بكلام واليديها ماتسمع للهضرة.. !!
وشي وحدات نهار كلو يظلو على برا.. !!
متبعين النشاط والزهو و القسارة.. !!
ويباتو غي على ضو الڭمرة.. !!
يدخلو وقت بغاو كي الستة كالعشرة.. !!
...
وكين الدراري لي ما يجيبو سُخرة.. !!
عاطيينها للپارلا و ضريب الغدرة.. !!
شعرهم واقف بجيل كيف السدرة.. !!
و زايدينها بالكريساج تحت القنطرة.. !!
و البلية و البلوات مرة مرة.. !!
ديما مقونسين على الشفرة.. !!
فالمحطة و لا سوق الخضرة.. !!
ديما تلقاهم عثرة مور عثرة.. !!
و سامدي سوار يعطيوها للسكرة.. !!
...
و كاينة بنت الأصـل الحرة.. !!
بنت الناس و مرا و بنت مرا.. !!
ما تـْباع لا بذهب لا بنـقرة.. !!
ماشي سويدية ولا ميريكانية زعرة.. !!
غي وريدة من وريدات بلادي حمرا.. !!
ظريفة و تبهجك بالنظرة... !!
تخرجك من الهم و الحسرة.. !!
التواضع و الحشمة وتموت فالسترة.. !!
ترطب ليك القلب وخا يكون حجرة.. !!