اللمسات الادبية

**عبدالباقي الضو الكاهلي** · الأربعاء 29 مارس 2017, 23:35

عاشق عيونك من كم سنة معليش خلاص غلطان انا

مشيت علي دربك سنين افرش دريبك بالمنى

سرحت في واديك زمن ناسي الهموم ناسي الضنى

كتبت فيك احلي الكلام نظمتا فيك اجمل غنا

خليت يمين كل البلاد واخترتا دنياك احضنا

معليش خلاص غلطان انا وكل الحصل بتحملو

انا لي زمن متمني يوم اخر المطاف بس اوصلو

ويقولو لي مبروك عليك ونبدأ الفرح من اولو

نضحك كتير جنب الاصحاب في يوم سعيد ما اجملو

معليش خلاص غلطان انا غلطان عشان بغلط كتير

غلطان عشان قايلك هنا امكن معاي تبدي المصير

غلطان عشان من النسيم لو مس لي جسمك اغير

غلطان عشان من دون جراح في دنيتك عايز اطير

ماكان زمان بتقولي لي غيرك محال اعشق حبيب

مهما قست كل الظروف انا ليك ما ممكن اسيب

ايه الجديد في حبنا ايه الحصل ايه الغريب

لو ما الزمن غير هواك ولقيتي لي جرحك طبيب

قولي زي ما الناس بتقول انو الزواج قسمة ونصيب

معليش خلاص غلطان انا ومن قلبي ليك كل المنى

تتهني بي فرح العمر ويذداد قلبيك بالمنى

ياهو القدر وانا راضي حتى لو انكتب لي الضنى

تتهني انت مع النصيب وانا ليك بنظم في الغنا

اصلوا الحصل ما منك انتي بس صحيح غلطان انا

**غادة الكامليا** · الخميس 30 مارس 2017, 08:20

عودتنا اخي الضو

على جمال

اختيارك للكلمات
فقدابدع الفنان عبدالرحيم البركل
فى اداء هذه الكلمات الرائعه

الغلط حين نهتم بشخص لم يكن

من نصيبنا يوما

اعتبره تجربة في الحياة يتعلم منها الانسان

وليس نهاية للحياة

خالص احترامي وتقديري

**عبدالباقي الضو الكاهلي** · الخميس 30 مارس 2017, 16:20

مزبوط اختي الدنيا تجارب ومن طبعا الإنسان بيغلط وستفيد من غلطو
ليكي من التحية والتقدير ربي يحفظك

**راجية عفو الرحمن** · الخميس 30 مارس 2017, 16:28

صح كلامكم هذي حال الدنيا

ربي يوفقك اخي الفاضل

في انتظار جديدك المتميز

**عبدالباقي الضو الكاهلي** · الخميس 30 مارس 2017, 16:40

ربنا يحفظك اختي راجيه

**انجلينا جولي** · الخميس 30 مارس 2017, 21:52

طلة جديدة باختيار جديد

كلمات جميلة

مووفق يارب

**عبدالباقي الضو الكاهلي** · الخميس 30 مارس 2017, 22:15

تسلمي يا اختي انجلينا
ربي يحفظك ان شاءالله

الخواطر المنقولة