منتديات المراءة وما يختص بحياتها الاجتماعية

**قمر الزمان والمكان** · الأربعاء 24 ديسمبر 2014, 20:32

إليكن الطريقة
نتمنى أني نكون وفقت في تلبية طلبكن لأني أول مرة نصنع باترون بالرسم على الورق
نبدأ بالريدو :
هذا شكل الكاش بالقياسات الي اعتمدتها

اللوحة تاع الكاش عندي مقياسها 180سم وهنا تلاحظو درت 210سم والسبب أنه لازم الكاش يدور على جوانب اللوحة حتى يتماسك ويعطي الشكل وهنا 200سم تكفي أما علاش درت 210سم لأنه الكاش داخلو صفيحة بونج ولما تطرحيها تتجبد وبالتالي ينقص طوله .
ـ لازم نقص 3 قطع : واحدة للوجه الخارجي قماش بلون غامق .
ـ واحدة من صفيحة الإسفنج ( بونج ) ولأنه الصفيحة ناقصة طول على القماش يعني ماتلقايهاش 210سم أنا هنا لصقت بالإبرة طرف من صفيحة أخرى .
وممكن نستعملو اللوات كبديل للبونج .
ـ واحدة للوجه الخلفي أو : لادوبلور
حطيت الأوجه الثلاثة على بعض وهزيت الحواف بالإبرة باليد حتى نضبط الشكل وبعدها مررته على المشينة .
وحتى نتحصل على الشكل المطروح استعملت رسم على الوجه الخارجي خطوط مستقيمة أفقية تبعد عن بعضها ب 6سم والمائلة 7سم و مررت عليهم الخياطة بالمشينة وكل واحدة وكيفاش تحب تجيها المقروطة .نتمنى تكون الطريقة هنا واضحة :

من القماش الفاتح نقص هذين الشكلين وراني حطيت القياسات المفترضة لأني أنا نقصت لأنه قماشي كان قليل وبدل الطولين 110سم درت 90سم
درس باترون صالون WJNTt6

ومع التعديل حسب النموذج الآتي ممكن نضطر لقص بعض الزوائد ـ مع ملاحظة أنه النموذج يوضح طريقة عمل المقروطات على القماش :
وهنا اضطررت لتثبيته على الباب والبلاكار باش نقدر نشكلهم ونبليسيهم ههههههههه
وزيد لاحظوا أنه في الأعلى ماكانش لابوند الي تجمع كل الوحدات المستعملة ولازمها تكون .

بالنسبة للكرافات هذا باترون تاعها وطريقة التجميع نطوي للوسط ثم للخلف :

وهنا المكان الي تثبت فيه :

ـ الصورة هذه توضح لابوند علوها حوالي 7 سم مهمتها تجمع الوحدات وتثبت الكاش على اللوح الخشبي :
درس باترون صالون UWxeey

وهنا لي باغل الي استعملتهم في الكاش وسط كل مقروطة ومانشدوش الخيط مليح باش تبقى المقروطة منتفخة وماتنكمشش .

وانتهت مراحل تفصيل الريدو

الآن لي كودوار :
نقطع مستطيل حسب طول وعرض الكودوار ونزيد حوالي 4سم للطول نحتاجهم لخياطة السانسور .
ونقطع أشكال الأوجه الأمامية والخلفية للكودوار .
أثناء الخياطة نبداو بالوسط باش المساحة الي تبقى في الأسفل تكون متساوية ونثبت فيها السانسور ولازمنا السانسور يكون طويل .
الحاشية تكون في الوسط بين القماشين وممكن نستعملو كوردون خشين .

ـ أخيرا لي جوتي :

نقطع 4 مربعات متساوية حسب القياس الي يكفي للجوتي الي نغلفها ، من كل لون نقطع مربعين ونخيطهم كما الشكل :

البوطو الي في الوسط الصور توضح طريقة التغليف :

درس باترون صالون BAjDPO

الزوائد من القماش نقصها بعد مانجمعها مليح بالخيط . والتثبيت على الجوتي يكون باستعمال الإبرة تاع الطريح الكبيرة نسميوها المسلة والخيط لازم خيط خشين باش مايتقطعش .

هذو الفتول الي درت للريدو :

درس باترون صالون V3Yjil

هذه الحاشية تاع لي كودوار :

درس باترون صالون Y2zVVM

هذا السانسور طوله 64 سم :

وهذه الحاشية الي استعملتها للمخايد :

إضغط هنا لرؤية الصورة بحجمها الطبيعي.

[size=48]انتــــــــهـــــــــــــــــــــــــى[/size]

**admin** · الجمعة 26 ديسمبر 2014, 20:07

درس باترون صالون

شكرا لك وبارك الله فيك
على جمال موضوعك
نتمنى تواصلك الدائم
وجديدك المميز

**بنت المغرب** · الإثنين 29 ديسمبر 2014, 16:03

درس باترون صالون

تسلم اناملك على هذا الطرح
ولايحرمنا من روعة هذا الابداع

يعطيك الف عافية

ارق التحايا وأجملها.

**قمر الزمان والمكان** · الأربعاء 31 ديسمبر 2014, 18:57

درس باترون صالون

ام الشيماء كتب:: شكرا لك وبارك الله فيك
على جمال موضوعك
نتمنى تواصلك الدائم
وجديدك المميز

000

شكرا جزيلا

000

على مرورك العطر

000

**قمر الزمان والمكان** · الأربعاء 31 ديسمبر 2014, 18:58

درس باترون صالون

بنت المغرب كتب:: تسلم اناملك على هذا الطرح
ولايحرمنا من روعة هذا الابداع

يعطيك الف عافية

ارق التحايا وأجملها.

000

شكرا جزيلا

000

على مرورك العطر

000

**راجية عفو الرحمن** · الجمعة 02 يناير 2015, 06:26

درس باترون صالون

بارك الله فيك وجزاك الله الف خير
على هذا الجهد والتميز في مواضيعك
المفيدة والقيمة
اتمنى لك المواصلة دائما
بالتوفيق والنجاح

**حزين القلب** · الثلاثاء 10 مارس 2015, 19:04

درس باترون صالون

شكرآ جزيلا على الموضوع الرائع والمميز

لاعدمنا طرحك المميز

بارك الله فيك ...

ننتظر منك الكثير من خلال إبداعاتك المميزة

لك منـــــــ إجمل تحية ــــــــــى

منتديات المراءة وما يختص بحياتها الاجتماعية

الاعمال اليدوية و فن التطريز

كروشيه تطريز وخياطة