إلى هاويات الخياطة المنزلية أقدم لك فى هذا الموضوع بعض الإرشادات التى
تسهل عملية الخياطة واستخراج الموديل من الباترون الخاص بمجلة بوردا وتزيد من متعتها لك وتجعل أول موديل تقومين بتنفيذه ينجح نجاحا باهرا بإذن الله


هناك عدة نقاط أساسية سنشرح كل نقطه بالتفصيل والنقاط هى:

1/كيف تجدين المقاس الصحيح؟

2/كيف تجدين الإرشادات الخاصة بالموديل؟

3/المزيد من البيانات عن الموديل.

4/كيف تجدين قطع الباترون على صفحة الباترون؟

5/كيف تنقلين قطعة الباترون من صفحة الباترون؟

6/التفصيل.

7/لاحظى ان باترونات بوردا لا تشتمل على زيادات الخياطة أو ثنى الذيل.

8/طريقة نقل علامات قطع الباترون إلى القماش.
1/كيف تجدين المقاس الصحيح؟
...........................................
...........................................


الموديلات التى تقدمها البوردا مصممة على مقاسات خاصة ببوردا.

يوجد جدولان لمقاسات ملابس السيدات :1/المقاسات العادية تتراوح من مقاس 34 إلى 52 خاصة لطول السيدات 168 سم او الاقرب لهذا الطول
2/ وأنصاف
المقاسات تتراوح من مقاس17 إلى 26 خاصة لطول السيدات 160 سم او الاقرب لهذا
الطول

لكى تختارى مقاسك الصحيح اتبعى التعليمات التالية:
- إختارى الجدول الأقرب إلى طولك الخاص(انا مثلا طولى 170 سم هشوف مقاسى
فى الجدول بتاع المقاسات العاديه ولو انتى طولك مثلا 158 سم هتلاقى مقاسك
فى جدول انصاف المقاسات)


- إختارى مقاسات البلوزات والفساتين والمعاطف والجاكتات طبقا لمقاس الصدر
- وإختارى مقاسات البنطلونات والجونلات(الجيبه) طبقا لمقاس الأرداف

- أما ملابس الأطفال فإن المقاس المذكور بالجدول هوا إرتفاع الطفل نفسه مقدرا بالسنتيمترات

- وبخصوص ملابس الرجال فإن مقاساتها هيا طبقا لمقاس الصدر أما البنطلونات فهيا بمقاس الأرداف


هناك فى بوردا 6 جداول سنشرحها بالتفصيل ونترجمها من الروسيه الى العربيه لان معظم المجلات المطروحه فى المنتدى باللغة الروسية

وده شكل يوضح الجداول السته فى المجله وشرح كيفية اخذ مقاس الجسم




الجدول الأول وهوا خاص بالمقاسات العادية للسيدات(طول القامة 168 سم)


1/المقاسات العادية للسيدات (طول القامة 168 سم)
2/المقاس بالسنتيمترات
3/محيط الصدر
4/محيط الوسط
5/محيط الأرداف
6/عمق الصدر
7/طول الخصر الأمامى
8/طول الظهر
9/عرض الظهر
10/عرض الكتف
11/طول الذراع
12/محيط الذراع
13/محيط الرقبة

الجدول الثانى وهوا خاص بمقاسات الحجم المتوسط للسيدات(طول القامة 160 سم)



1/مقاسات الحجم المتوسط للسيدات(طول القامة 160 سم)
2/المقاس بالسنتيمترات
3/محيط الصدر
4/محيط الوسط
5/محيط الأرداف
6/عمق الصدر
7/طول الخصر الأمامى
8/طول الظهر
9/عرض الظهر
10/عرض الكتف
11/طول الذراع
12/محيط الذراع
13/محيط الرقبة

الجدول الثالث وهوا لمقاسات الرضع والأطفال الصغار(وهو يعتمد على طول الطفل او الرضيع بالسنتيميتر)




1/مقاسات الرضع والأطفال الصغار(وهو يعتمد على طول الطفل او الرضيع بالسنتيميتر)
2/المقاس بالسنتيمترات
3/محيط الصدر
4/محيط الوسط
5/محيط الأرداف
6/طول الظهر
7/طول الذراع
8/محيط الرقبة

الجدول الرابع وهوا خاص بمقاسات البنات (وهو يعتمد على طول البنت بالسنتيميتر)




1/مقاسات البنات (وهو يعتمد على طول البنت بالسنتيميتر)
2/المقاس بالسنتيمترات
3/محيط الصدر
4/محيط الوسط
5/محيط الأرداف
6/طول الظهر
7/طول الذراع
8/محيط الرقبة

الجدول الخامس وهو خاص بمقاسات الصبيان(وهو يعتمد على طول الصبيان بالسنتيميتر)



1/مقاسات الصبيان(وهو يعتمد على طول الصبيان بالسنتيميتر)
2/المقاس بالسنتيمترات
3/محيط الصدر
4/محيط الوسط
5/محيط الأرداف
6/طول الظهر
7/طول الذراع
8/محيط الرقبة

الجدول السادس وهوا خاص بمقاسات الرجال


1/مقاسات الرجال
2/المقاس بالسنتيمترات
3/الطول
4/محيط الصدر
5/محيط الوسط
6/محيط الأرداف
7/طول الظهر
8/طول الذراع
9/محيط الرقبة

.................................................. ...............

الان كيف ناخذ مقاسات الجسم




1/محيط الصدر
2/محيط الرقبة
3/محيط الخصر
4/محيط الأرداف




5/طول الخصر الأمامى
6/عمق الصدر
7/طول الظهر




8/عرض الأكتاف
9/مقاس الذراع العلوى
10/طول الذراع

يتبع

نكمل باقى الشرح وهنتكلم عن النقطة التانية وهيا

2/كيف تجدين الإرشادات الخاصة بالموديل؟

-بجوار صورة كل موديل تجدين رقم الموديل ومقاسه وكمان هنلاقى رسم تخطيطى للموديل بجواره كما واضح فى الصورة





1 _هوا رقم الموديل 123
2_المقاسات المتوفرة للموديل من 34 إلى 44
3_الرسم التخطيطى للموديل

_سنذهب إلى الملحق المرافق للمجلة وسنجد ارشادات الخياطة الخاصه بالموديل موجودة تحت رقم الموديل كما بالصورة







3/المزيد من البيانات عن الموديل؟


_سنقوم بشرح وتفسير اهم النقاط اللى هنحتاجها فى ارشادات الخياطه الموجوده فى الملحق




_الرسم التخطيطى فى الملحق يعطيك المنظر الامامى1 والخلفى2 للموديل وكل التفاصيل المتعلقة بالخياطات والجيوب إلخ.....
_3_ يوضح مقاسات الموديل
_4_يعطيك كمية القماش المطلوبة لكل مقاس
مثلا نفترض ان مقاسى 40 إذن هحتاج قماش 1,70 سم طول و1,50 عرض


4/كيف تجدين قطع الباترون على صفحة الباترون؟

وده اهم جزء ولازم نركز فيه
هنلاقى فى الملحق تحت كل موديل مربع زى ده والمربع ده مهم جدا ويهمنا نعرف
التفاصيل اللى جواه عشان نلاقى الباترون اللى احنا عاوزينه على صفحات
الباترون





_1_ تعنى ان الباترون موجود باللون الاسود
ملاحظه هامه صفحة الباترون تحتوى على 4 الوان وهما
الاسود,الاحمر,الاخضر,الازرق ومهم نعرف معنى كل كلمة بالروسية عشان نقدر
نترجم اللون
اسود=Черныmй
احمر=Красныmй
اخضر=Зеленыmй
ازرق=синиmй

_2_تعنى إن الباترون موجود على صفحة الباترون H
ملاحظة هامه يوجد كذا صفحة للباترون وتكون الصفحات مرقمة ابجديا كالتالى ,.......... A,B,C.D,E,F

_3_توضح عدد قطع الباترون وهما فى هذا الموديل 5 قطع وهنلاحظ وجود ارقام
صغيرة وعلامات على القطع دى ودى مهمه جدا وناخد بالنا منها واحنا بننقل
الباترون لازم ننقل العلامات والارقام دى كمان عشان هتساعدنا جدا فى تجميع
القطع ببعضها وبتسهل الخياطه زى ماهنشرح بعد كدا

_4_توضح شكل الخط المرسوم به الباترون لكل مقاس فشكل الخط يختلف من مقاس
لاخر, فمثلا لو مقاسى 34 هنلاقى الباترون بلون اسود على الصفحة H بخط
مستقيم وعليه ××××××× كما موضح فى الرسم السابق

_5_يوضح رسم تخطيطى لقطع الباترون كما سنجدها على صفحة الباترون ويوجد عليها علامات واسهم وارقام سنشرح معناها فيما بعد


يتبع

الخياطات والعلامات
والحزات.





_هناك بعض الباترونات تحتوى على جيوب خارجية او داخلية وبندات وسجافات كل هذه الزيادات تنقل ايضا كقطع باترون منفصلة .

_يمكن ايضا نقل قطع الباترون باستخدام ورق الكاربون بوضعه على ورقه ووضع
الورقه بالكاربون اسفل صفحة الباترون ولكنى افضل استخدام الورق الشفاف
عشان لو فيه حاجه نسينا ننقلها نقدر نضع الورق الشفاف مره اخرى وتكملة
الجزء الناقص .

_ملاحظة مهمة جدا لازم نقارن بين القطع اللى نقلناها وبين رسوم الباترون قبل مانقص عشان نقدر نلحق اى خطا قبل ما نقص.

وبكدا نبقا خلصنا مرحلة استخراج الباترون وهنكمل بإذن الله بعد كدا ازاى هننقل الباترون للقماش ونبدا فى التفصيل

6_التفصيل

وفى النقطة دى هنعرف إزاى ننقل قطع الباترون للقماشة بتاعتنا

_فى ارشادات كل موديل هنلاقى مذكور أحسن طريقة لوضع قطع الباترون على القماش.

كمثال فى الموديل بتاعنا اللى بنشرح عليه هنلاقى قطع الباترون موضوعة على
القماش بالشكل ده وهنشرح التفاصيل اللى لازم ناخد بالنا منها واحنا بنضع
قطع الباترون على القماش




_ الطريقة اللى بتقترحها المجلة لوضع قطع الباترون على القماش بتكون احسن
طريقة للحصول على الموديل ولتوفير اكبر كمية ممكنة من القماش بدون إهدار.

_ عادة بنثنى القماشة طوليا مع وضع حافتى الكنار معا ويكون ظهر القماشة
للخارج(وإذا إختلف الحال فهذا يبين فى الارشادات زى ما فى الموديل بتاعنا)

احنا عندنا فى الموديل ثنينا القماشة بطريقتين مختلفتين تبعا للمقاس زى ما الرسم (انظرى رقم4 )

فالمقاس من 34_42 مثلا هنثنى القماش على جزئين (انظرى رقم 3) 47 سم مجوز و28 سم مجوز

_خط الثنى بيظهر فى الرسم كخط متقطع (انظرى رقم 1) بينما خط الكنار بيظهر فى الرسم كخط مستقيم (انظرى رقم5)

_ملاحظه هامة هندبس حافتى الكنار معا لمنعه من الإنزلاق أثناء القص.

_هناك بعض الباترونات لانحتاج الى ثنى القماش لذلك يكون وجه القماش للخارج.

_ورق الباترون عليه القطع مطبوعه من أعلى يجب ان تدبس تدبثا ثابتا مع
القماش ومن المهم ان سهم خط النسيج (سهم يكون فى كل قطعه من قطع
الباترون)او الحافة التى تبين النسيج المستقيم يجب ان يكون موازيا لحافة
كنار القماش وناخد بالنا من النقطة دى كويس جدا .

_اما قطع الباترون الورق التى يجب ان توضع مطبوعة ومتجهة إلى أسفل على
القماش فإنها تبين بخطوط منقطة على بسطة الباترون (انظرى الرقم 2)قد يكون
السبب فى ذلك هو توفير القماش او الحصول على صورة عكسية عند تفصيل وقص
طبقة واحدة من القماش (مثلا عند عمل كنار ايمن وكنار ايسر)او اذا اردنا قص
قطعة باترون لها خط ثنى كقطعة واحده,


النهارده هنكمل ما بدأناه وهنشرح النقطه السابعه وهيا

7/لاحظى ان باترونات بوردا لا تشتمل على زيادات الخياطة أو ثنى الذيل.

_ هنلاحظ ان باترونات البوردا لا تحتوى على زيادات الخياطة او ثنى الذيل
عشان كدا بعد مادبسنا كل قطع الباترون على القماش هنبدأ نرسم زيادات
الخياطه حول الحافات بإستخدام طباشير الخياطه(الماركه)

_وعادة بنعمل زيادة الذيل 5سم بينما اعلى الأكمام وتقويرات الأكمام وكنار الرقبه بتبقا 1سم بينما زيادة الخياطة بتبقا 2سم

_اما قطع الباترون البسيطة مثل الكمر او الحزام او اقسام الجونلة
المستقيمة فهى غير موجودة على صفحة الباترون ويجب ان ترسم مباشرة على
القماش وتذكرى زيادة الخياطة فيكفى ترك 1سم فقط عند عمل الكمر والحزام
إلخ........ ومقاسات هذه القطع موجودة فى إرشادات التفصيل نفسها ومبينة
بحروف صغيرة.
وهذه القطع غير مرسومة مع قطع الباترون الأخرى فى الرسم الملحق ولكنها موضحة على صفحة الباترون .

_ قصى شرائط الورب (البييه)بدون إضافة زيادة خياطة

بعد أن تنتهى من تدبيس كل القطع أو رسمها على القماش يمكنك البدء فى القص والتفصيل.

8/ طريقة نقل علامات قطع الباترون إلى القماش

_بعد أن تنتهى من القص يجب أن تنقلى الخطوط الخارجية والداخلية والعلامات الموجودة على قطع الباترون إلى ظهر القماش,

_واسهل واسرع طريقة هى باستعمال ورق كاربون الخياطة وعجلة النقل (وتجدين ارشادات الاستعمال على ظهر العلبة)

_وتوجد طريقة اخرى تستغرق بعض الوقت وهى عمل سراجة بدلا من الخطوط, وميزتها هى انك يمكنك رؤية السراجة على وجهى القماش .

ملاحظه هامة :اذا كان القماش رقيقا جدا بحيث ان خطوط الكربون قد تظهر على
وجه القماش ففى هذه الحالة يجب استعمال السراجة بدلا من الكربون.

_بعض الخطوط يجب ان تظهر على وجه القماش اثناء الخياطة مثل خطوط الثنى
والتثبيت وخطوط السجافات الأصلية ووسط القسم الامامى ووسط القسم الخلفى
وبعض خطوط غرزات خاصة. فى هذه الحالات استعملى سراجة او انقلى الخطوط من
ظهر القماش الى وجه القماش بغرزات سراجة طويلة.

وبكدا نبقا خلصنا شرح نقل الباترون من مجلة بوردا الى القماش وقصه

شكر لك على هذا الطرح
والله لايحرمنا من ابداعك المميز
كل الاحترام لك
••
مع جزيل شكري وامتناني