عقب ما ضاق السكوت بصدرها.. طرق الثواني روّعه
كنت سارح في همومي .. عاتبتني .. واصفقت يسرى بيمين
قالت الدنيا غريبه.. لا خطاها الحظ ياخذها معه
واخلجت رفّه بعيني .. أفزعتني .. وانتبه قلبي الحزين
وابوله ضميت سحر ٍ من هواها.. ونبض قلبي يسمعه
دامني أحيا بعينك .. موغريبه يا الغلا أبقى سجين
موغريبه.. يفرق النور الظلام .. ورمش عاشق يجمعه
موغريبه .. تدمى خطوات الثواني في مسافات السنين
موغريبه.. يرتوي خد المآسي من مسايل مدمعه
موغريبه .. يرقص الطير بجروحه لا عزف حد ٍ سنين
موغريبه.. يخنق المحمل سكونه لا اخذلته الأشرعه
وإن تقاوت به .. وريح الخوف ثارت .. راود الموت السفين
موغريبه.. تحضن الفرح الدموع .. وبالدموع تودّعه
والكرى منهو تهنّى به .. إذا ما شابك الدمع الونين
موغريبه.. تحصد الحب الليالي عقب ما هي تزرعه
والقلوب أزهار تذبل في ثراها.. والجفا خفق الحنين
موغريبه.. تجرح البسمه شفاه ٍ بالوفا متمنّعه
به عيون ٍ نرجسيه .. لا المحت خير .. انتفخ غيض الوتين
موغريبه.. توأد أحلام بمهدها جمعتها المنفعه
دامها دامت تدوم.. ولا انتهت .. ما غمضت بالحلم عين
موغريبه.. ينطفي نبض الضماير والنوايا تتبعه
والعذر ألفين باب .. وكل باب ٍ للدني صيد ٍ ثمين
موغريبه.. الأخ يغدر به خويه.. وبالتجافي يفجعه
والخصام إبليس يسعي به.. وبه تتشابك حبال اللعين
موغريبه.. ينتقص قدر الحشيم.. ويستزيد الإمّعه
ويستحيل الصدق للمخلص خيانه.. والكذوب أصبح أمين
موغريبه.. يهتني النذل بمنامه والعطايا والسعه
والوفي شب النهار بخافقه.. والليل بعيونه دفين
موغريبه.. يا حياتي .. ما دريتي؟ ذا زمان الأقنعه
خادع قلوب ٍ قدرها لو تمنّت منكتب فوق الجبين
الغريب .. إن الحقيقه ما اقنعتنا.. كثر ما هي مقنعه
وكثر ما مد الأمل درب ٍ طويل ٍ ما وفينا العمر دين
العمر ساعه.. وتمضي بالأماني .. والليالي مسرعه
وابن آدم.. لو يكابر في عناده .. مرجعه وحل ٍ وطين
راقت لي